რუსეთ-უკრაინის კონფლიქტმა ნავთობი კიდევ უფრო გააძვირა

დონეცკისა და ლუგანსკის დამოუკიდებელ "რესპუბლიკებად" აღიარებისა და ოკუპირებულ რეგიონებში რუსული არმიის შესვლის შემდეგ გლობალურ ბაზრებზე მნიშვნელოვანი ცვლილებებია. 

ნედლი ნავთობის ფასმა ბარელზე $99 შეადგინა. ამერიკული ნედლი ნავთობის ფიუჩერსები 5,4%-ით გაიზარდა და ბარელზე $95,65 დოლარი გახდა. Brent-ის მარკის ნავთობის გლობალური საორიენტაციო ფასის მატებამ 3,8% შეადგინა და $99,17 გახდა. 

CNN-ის ცნობით, საერთაშორისო ინვესტორები შიშობენ, რომ არსებული დაძაბული ვითარების გამო რუსეთიდან ევროპაში ბუნებრივი აირის ექსპორტი შეფეხრდება, რაც ამ მიმართულებით ფასების კიდევ უფრო მატებას გამოიწვევს. 

ცნობისთვის, გუშინ რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ დამოუკიდებელ რესპუბლიკებად აღიარებას მოაწერა ხელი. ამის შემდეგ კი მან ოკუპირებულ რეგიონებში "მშვიდობის დავის" მოტივით რუსული არმიის შეყვანის ბრძანება გასცა.