რუსეთ-უკრაინის კონფლიქტმა აზიაში აქციები გააუფასურა

რუსეთ უკრაინას შორის არსებული დაძაბული ვითარების გამო აზიურ ბაზრებზე ცვლილებებია. აქციების ფასები ეცემა, ხოლო ისეთი აქტივების ღირებულება, რომელიც უსაფრთხოდ მიიჩნევა - იზრდება.

ასეთია მაგალითად ოქრო, რომლის ფასიც 8 თვიან მაქსიმუმზეა. ამის შესახებ Reuters წერს.

ამერიკული საფინანსო ინსტიტუტის Morgan Stanley Capital International-ის ინდექსით იაპონიის გარეთ აზია-წყნარი ოკეანის ქვეყნებში აქციების ფასი 0.5%-ით დაეცა. ეს კი მას შემდეგ, რაც ორშაბათს ამერიკის შეერთებულ შტატებსა და ევროპაში საფონდო ბირჟებმა მოწინავე პოზიციები დაკარგეს.

Reuters-ის ცნობით, იაპონურ წამყვანი საფონდო ბირჟაზე Nikkei აქციების საერთო ფასი 0.91%-ით დაეცა. ავსტრალიაში კი ფასიანი ქაღალდების ბირჟა, S&P/ASX200 0.51%-იანი დაღმასვლით დაიხურა.

ბრიტანული გამოცემა ჰონგკონგისა და ჩინეთის ბაზრებსაც მიმოიხილავს და აღნიშნავს, რომ ცვლილებები ორი ქვეყნის საფონდო ბირჟებზეც თვალსაჩინოა.

არსებულ გეოპოლიტიკურ რისკებსა და მის გავლენებზე საუბრობს წამყვანი საინვესტიციო ბანკი  J.P. Morgan.

„მიმდინარე კვირაში საერთაშორისო ბაზრებზე მოლოდინების მთავარი განმაპირობებელი გეოპილიტიკური რისკები იქნება“,- ციტირებს Reuters J.P. Morgan-ის საერთაშორისო ბაზრების ანალიტიკოსის, მარსელა ჩოუს განცხადებას.