მსოფლიო
03/03/2022
რუბლის გაუფასურების მორიგი რეკორდი
მას შემდეგ, რაც საერთაშორისო სარეიტინგო სააგენტოებმა Fitch-მა და Moody's-მა რუსეთს რეიტინგები შეუმცირეს, რუბლმა გაუფასურების მორიგი რეკორდი დაამყარა.
Reuters-ის ინფორმაციით, რუსული ეროვნული ვალუტა დოლართან მიმართებით კიდევ 10%-ით, ხოლო ევროსთან მიმართებით 7%-ით გაუფასურდა. შედეგად $1 რუსეთში 117.5 რუბლად ივაჭრება, ხოლო 1 ევრო 124.1 რუბლი ღირს.
ამასთან, რუსეთის ცენტრალურმა ბანკმა ფიზიკური პირების მიერ სავალუტო ბირჟებზე უცხოური ვალუტის შესყიდვაზე 30%-იანი საკომისიო დააწესა. Reuters-ის თანახმად, ბროკერები განმარტავენ, რომ ეს ნაბიჯი გამიზნული იყო დოლარზე მოთხოვნის შესამცირებლად - მაგრამ რუსული რუბლის გაუფასურება მაინც ვერ შეჩერდა.
ცნობისთვის, საერთაშორისო სარეიტინგო სააგენტო, Fitch-მა რუსეთის სუვერენეული რეიტინგი "BBB"-დან "B"-მდე შეამცირა. ეს საინვესტიციო რეიტინგის ბოლო საფეხურია. Moody's-მა კი რუსეთის რეიტინგი 6 საფეხურით В3-მდე შეამცირა.
