მსოფლიო
09/03/2022
მოგზაურობის აკრძალვა და აქტივების გაყინვა - მორიგი სანქციები რუსი ოლიგარქებისთვის
ევროკავშირი რუსი მაღალჩინოსნებისა და ოლიგარქებისთვის სანქციების მორიგი ნაკადის დასაწესებლად ემზადება.
ევროკავშოირის უმაღლესი დიპლომატის, ჯოზეფ ბორელის განცხადებით, აკრძალვები შეეხება მოგზაურობასა და აქტივების გაყინვას და ის რუსეთის 100-მდე ოლიგარქსა და მაღალჩინოსანს მოიცავს. გადაწყვეტილება შესაძლოა დღესვე დამტკიცდეს.
"გაერთიანების წევრი ქვეყნები ვმუშაობთ სანქციების ახალ პაკეტზე, რომელიც რუსეთის ხელისუფლების სხვადასხვა დონის 100-მდე ადამიანს შეეხება. ვიმედოვნებთ, რომ შეთანხმება დღევანდელი სესიის დასრულებამდე მიიღწევა",- ციტირებს Reuters ბორელის სიტყვებს.
მანამდე საერთაშორისო გამოცემა წერდა, რომ ახალი სანქციები მოიცავდა შეზღუდვებს საზღვაო სექტორზე. ამასთან, SWIFT საბანკო სისტემიდან სამი ბელორუსული ბანკის გარიცხვას.
