მსოფლიო
04/03/2022
Microsoft რუსეთს საკუთარ მომსახურებას აღარ მიაწვდის
მულტინაციონალური კომპიუტერული ტექნოლოგიების კორპორაცია Microsoft რუსეთს საკუთარ მომსახურებას აღარ მიაწვდის.
შეჩერდება ახალი გაყიდვებიც. ამის შესახებ განცხადებას Microsoft-ის პრეზიდენტი, ბრედ სმიტი აქვეყნებს. ამავე განცხადებაში ვკითხულობთ, რომ კომპანია გააგრძელებს უკრაინის კიბერთავდაცვის მხარდაჭერას.
"ჩვენ მჭიდროდ ვთანამშრომლობთ და ვმუშაობთ შეერთებული შტატების, ევროკავშირისა და დიდი ბრიტანეთის მთავრობებთან და ვაჩერებთ ჩვენი ბიზნესის ბევრ ასპექტს რუსეთში სამთავრობო სანქციების გადაწყვეტილებების შესაბამისად",- ნათქვამია ბრედ სმიტის განცხადებაში.
