Maersk-ის პროგნოზით, საკონტეინერო გადაზიდვებზე გლობალური მოთხოვნა შემცირდება

Maersk მიმდინარე წლის მეორე ნახევრიდან საკონტეინერო ბაზრის ნორმალიზებას პროგნოზირებს.

Reuters-ის თანახმად, გადაზიდვების ინდუსტრიამ ბოლო კვარტლების განმავლობაში რეკორდული მოგება ნახა, რაც რამდენიმე მიზეზით იყო გამოწვეული. მათ შორისა, მომხმარებელთა მაღალი მოთხოვნა ამერიკისა და ჩინეთის პორტებში არსებული შეფერხებების გამო და რუსეთსა და უკრაინას შორის მიმდინარე ომის საფუძველზე დაკეტილი ცა. 

საერთაშორისო გამოცემა წერს, რომ Maersk-ის თანახმად, მარტში იანვართან შედარებით საკონტეინერო მოცულობები 7%-ით შემცირდა. საკონტეინერო გადაზიდვების უდიდესი კომპანია, რომლის წილიც გლობალურ ბაზრებზე 17%-ია, ახლა ვარაუდობს, რომ საერთაშორისო საკონტეინერო მოთხოვნა მიმდინარე წელს შენელდება და ის ან 1%-ით შემცირდება, ან მხოლოდ 1%-ით გაიზრდება. წინა პროგნოზში კი Maersk ვარაუდობდა, რომ მიმდინარე წელს ზრდა 2-4% იქნებოდა.