ფოტო: GETTY IMAGES
მსოფლიო
15/03/2022
IMF უკრაინის ეკონომიკის 35%-ით შემცირებას პროგნოზირებს
საერთაშორისო სავალუტო ფონდის პროგნოზით, იმ შემთხვევაში თუ უკრაინაში ომი გაგრძელდება, ქვეყნის ეკონიმიკა 35%-ზე მეტად შემცირდება.
ინფორმაციას BBC ავრცელებს. ბრიტანული გამოცემის თანახმად, გლობალურ საკრედიტო ორგანიზაციაში აცხადებენ, რომ ქვეყანას უკვე ემუქრება ეკონომიკის 10%-იანი კლება. მთავარი მიზეზი რუსეთის აგრესიული საომარი ქმედებები, ქალაქების დაბომბვა, აეროპორტების განადგურება და დევნილთა კრიზისია.
”ომის მიმდინარეობისას, სიტუაცია რჩება უკიდურესად ცვალებადი და ნებისმიერი პროგნოზი ამ ეტაპზე ექვემდებარება დიდ გაურკვევლობას”, - ნათქვამია მოხსენებაში, სადაც IMF უკრაინის ეკონომიკის 25%-დან 35%-მდე შემცირებას ვარაუდობს.
