IMF: შესაძლოა, ომმა გლობალური ეკონომიკური დღის წესრიგი ფუნდამენტურად შეცვალოს

საერთაშორისო სავალუტო ფონდის პროგნოზით, უკრაინაში ომმა შესაძლოა, სრულად შეცვალოს გლობალური ეკონომიკური და პოლიტიკური დღის წესრიგი.

ინფორმაციას Reuters ავრცელებს. გამოცემის თანახმად, IMF ვარაუდობს, რომ ცვლილებები ეკონომიკური ზრდის შემცირებასა და ინფლაციის დაჩქარებაში გამოიხატება. ამასთან, საერთაშორისო საფინანსო ინსტიტუტში განმარტავენ, რომ მიმდინარე მოვლენები ხელს უწყობს ფასების ზრდას, ამცირებს შემოსავლებს, არღვევს ვაჭრობასა და მიწოდების ჯაჭვებს. ომი ასევე ამცირებს ბიზნესის ნდობას და იწვევს ინვესტორებს შორის გაურკვევლობას, რაც იმოქმედებს აქტივების ფასებზე, გაამკაცრებს ფინანსურ პირობებს და შეიძლება განვითარებადი ბაზრებიდან კაპიტალის გადინება გამოიწვიოს. 

IMF 2022 წელს გლობალური ეკონომიკის 4.4%-იან ზრდას ვარაუდობდა, თუმცა ახლა საერთაშორისო საფინანსო ინსტიტუტში ზრდის პროგნოზის შემცირებას ელიან.