ფოტო: Kyodo
მსოფლიო
01/03/2022
IEA-ს წევრები ნავთობის სტრატეგიული მარაგების გახსნაზე შეთანხმდნენ
საერთაშორისო ენერგეტიკული სააგენტოს (IEA) წევრი ქვეყნები ნავთობის სტრატეგიული მარაგებიდან 60 მილიონი ბარელის გამოყენებაზე შეთანხმდნენ.
ინფორმაციას Reuters იაპონიის ინდუსტრიის მინისტრის განცხადებაზე დაყრდნობით ავრცელებს. ამით იაპონია, ამერიკის შეერთებული შტატები და სხვა მოკავშირე ქვეყნები უკრაინაში რუსეთის შეჭრის გამო გაძვირებული ნავთობის ფასის დასტაბილურებას ცდილობენ.
Reuters-ის ცნობით, 60 მილიონი ბარელის ნახევარი, სავარაუდოდ, ამერიკის შეერთებული შტატების სტრატეგიული მარაგებიდან გაიხარჯება.
ამ დროის მონაცემებით, 1 ბარელი Brent-ის მარკის ნავთობის ფასი $106-ს აჭარბებს, რაც 2014 წლის შემდეგ რეკორდული მაჩვენებელია.
