IEA ნავთობის მოხმარების შემცირების გეგმაზე მუშაობს
საერთაშორისო ენერგეტიკულ სააგენტოში აცხადებენ, რომ მზად არიან სტრატეგიული მარაგებიდან დამატებითი ნავთობის გამოთავისუფლების შესახებ იმსჯელონ, რაც ფასების დასტაბილურების საფუძველი იქნება.
თუმცა, პარალელურად IEA აპირებს შეიმუშაოს გეგმა, რომლის მიხედვითაც ნავთობის მოხმარება სწრაფად შემცირდება.
Reuters საერთაშორისო ენერგეტიკული სააგენტოს დირექტორის, ფატიჰ ბიროლის სიტყვებს ციტირებს, რომლის მიხედვით, მომდევნო კვირაში IEA შეიმუშავებს 10 პუნქტიან გეგმას, თუ როგორ უნდა შემცირდეს ნავთობის მოხმარება სწრაფად.
"ნავთობის ბაზრებზე ყველაზე რთული ზაფხულის თვეებია. სწორედ ივნისსა და ივლისში იზრდება პროდუქტზე მოთხოვნა",- განაცხადა საერთაშორისო ენერგეტიკული სააგენტოს აღმასრულებელმა დირექტორმა.
ცნობისთვის, გუშინ აშშ-მ რუსული ნავთობის, ბუნებრივი აირისა და ნახშირის იმპორტის სრულად აკრძალვის გადაწყვეტილება მიიღო. ასეთივე გეგმა აქვს დიდ ბრიტანეთსაც.
