მსოფლიო
05/03/2022
დმიტრო კულება: დახურეთ ყველა ევროპული პორტი რუსული გემებისთვის
უკრაინის საგარეო საქმეთა მინისტრი ევროპის ქვეყნებს რუსული გემებისთვის პორტების დახურვისკენ მოუწოდებს.
დმიტრო კულება სოციალურ ქსელ Twitter-ში წერს, რომ მოქმედების დრო სწორედ ახლაა. ის საკუთარ განცხადებას თან რუსული აგრესიის შედეგად დაზარალებული მოქალაქეების ფოტოებს ურთავს.
"დაგვეხმარეთ პუტინის შეჩერებაში. დახურეთ ევროპის ყველა პორტი რუსული გემებისთვის. მოქმედების დრო ახლაა",- წერს კულება.
