მსოფლიო
02/03/2022
დიმიტრი პესკოვი: რუსეთის ეკონომიკა სერიოზულ დარტყმებს განიცდის
CNN-ის ინფორმაციით, კრემლის სპიკერი, დიმიტრი პესკოვი აღიარებს, რომ დასავლური სანქციების ფონზე რუსეთის ეკონომიკას მნიშვნელოვანი ზიანი მიადგა.
ამერიკული გამოცემის თანახმად, ეს განცხადება პესკოვმა უცხოელ ჟურნალისტებთან საუბრისას განაცხადა.
"რუსეთის ეკონომიკა სერიოზულ დარტყმებს განიცდის. მაგრამ არის უსაფრთხოების გარკვეული ზღვარი, არის პოტენციალი, არის გარკვეული გეგმები, რომელზეც მიმდინარეობს მუშაობა. ეკონომიკა მაინც ფეხზე მდგომი დარჩება",- ციტირებს CNN პესკოვის სიტყვებს.
