Christian Dior, Givenchy, Kenzo, Chanel - ლაქშერი ბრენდების მაღაზიებს რუსეთში ვეღარ ნახავთ

მსოფლიოს წამყვანი ე.წ ფუფუნების ბრენდები რუსეთში მაღაზიებს ხურავენ. 

Reuters-ის ინფორმაციით, ასეთი ნაბიჯი პირველად Birkin-ის ჩანთების მწარმოებელმა Hermes და Cartier-ის მფლობელმა Richemont გადადგეს. ამის შემდეგ კი აგრესორ ქვეყანაში მაღაზიების დახურვის გადაწყვეტილება მიიღეს LVMH (LVMH.PA), Kering (PRTP.PA) და Chanel-მა. 

ცნობისთვის, გიგანტი კომპანია LVMH ისეთ ბრენდებს ფლობს, როგორიცაა Christian Dior, Givenchy, Kenzo, TAG Heuer და Bulgari. ის კვირადან რუსეთში თავის 124 ბუტიკს დახურავს. თუმცა, Reuters-თვის მიცემულ ინტერვიუში კომპანიის წარმომადგენელმა განმარტა, რომ 3 500 თანამშრომელს ხელფასებს კვლავ გადაუხდის.