მსოფლიო
02/03/2022
Apple-ის პროდუქცია რუსეთში აღარ გაიყიდება
Apple საკუთარ პროდუქციას რუსეთში აღარ გაყიდის.
კომპანიის მიერ გავრცელებულ განცხადებაში წერია, რომ Apple ღრმა მწუხარებას გამოთქვამს უკრაინაში რუსეთის შეჭრის გამო და საპასუხოდ, რუსეთში საკუთარი პროდუქციის გაყიდვას დროებით წყვეტს.
მანამდე, Apple-მა რუსეთში პროდუქციის ექსპორტი შეწყვიტა. ასევე შეზღუდა Apple Pay-ით გადახდები.
CNN-ის თანახმად, ტექნიკის მწარმოებელ კომპანიებს საზოგადოება რუსეთის წინააღმდეგ ქმედითი ნაბიჯების გადადგმას მოუწოდებდა. ამერიკული გამოცემა სწორედ ამ ფაქტს უკავშირებს მიღებულ გადაწყვეტილებებსაც.
