ჯანდაცვა
19/05/2023

ჯანდაცვის სამინისტრო ჰოლდინგებთან დაკავშირებით გეგმას ამზადებს

საქართველოში არსებული ჰოლდინგური სისტემის ანალოგი, როცა წამლის იმპორტიორიც, დისტრიბუტორიც, საცალო მოვაჭრეც, კლინიკაც, სადაზღვევო კომპანიაც და მწარმოებელიც ერთი ჰოლდინგის ქვეშაა, მსოფლიოში არსად არაა, მათ შორის – განუვითარებელ ქვეყნებშიც.

ამ შინაარსის განცხადება ჯანდაცვის მინისტრმა ზურაბ აზარაშვილმა პარლამენტში, „მინისტრის საათის“ ფორმატში გამოსვლისას გააკეთა.

„ჰოლდინგური სისტემის ანალოგს, რომელიც, სამწუხაროდ, ქვეყანაში გვაქვს, სადაც წამლის იმპორტიორი, დისტიბუტორიც, საცალოდ მოვაჭრე, ასევე კლინიკაც, სადაზღვევო და მწარმოებელი ერთი ჰოლდინგის ქვეშ იყოს – მსგავს მაგალითს ვერ ნახავთ.  ბევრი ვეცადე, რომ რომელიმე თუნდაც განუვითარებელ ქვეყანაში მაინც მენახა.  აქედან გამომდინარეა ბევრი პრობლემა, რომელიც ფარმაცევტულ ბაზარზე ჩვენს რეფორმებს წინ დახვდა,“ – განმარტა მინისტრმა.

რაც შეეხება მედიკამენტებზე ფასების ზრდას, ამაზე მინისტრმა აღნიშნა, რომ თებერვლის შუა რიცხვებში მოხდა ის, რისი მოლოდინიც სამინისტროს ჰქონდა – მკაფიოდ გამოიკვეთა შეთანხმებული მოქმედების შემთხვევები. ამაზე კონკურენციის სააგენტომ მოახდინა რეაგირება და დაიწყო 4 კომპანიის ირგვლივ საკითხის შესწავლა, რასაც შემდგომ კიდევ ერთი მსხვილი ფარმაცევტული კომპანია დაემატა.

მინისტრის განცხადებითვე, სექტემბრამდე მომზადდება მოკვლევის შუალედური შედეგი იმის შესახებ, თუ რა პრობლემა და საფრთხე შეუქმნეს ფარმაცევტულმა კომპანიებმა როგორც მოქალაქეებს, ასევე სახელმწიფოს.

ზურაბ აზარაშვილის თქმით, წლის ბოლომდე ქვეყანას ჰოლდინგებთან დაკავშირებით შესაბამისი სამოქმედო გეგმა ექნება.

“განსაკუთრებით მიმდინარე წელს გამოჩნდა, რომ ეს სერიოზული პრობლემაა ქვეყნისთვის, ვინაიდან ჰოლდინგური და მსგავსი მსხვილი კარტელური შეთანხმებების შედეგად შეიძლება ძალიან დიდი ზიანი მიადგეს როგორც სახელმწიფოს, ასევე ჩვენს მოქალაქეებს“,-აღნიშნა ზურაბ აზარაშვილმა.

„ამასთან დაკავშირებით ნამდვილად დაწყებული გვაქვს მუშაობა და ვფიქრობ, რომ სამოქმედო გეგმა წლის ბოლომდე მზად იქნება. გეგმაში მკაფიოდ იქნება გაწერილი თუ რას ვაპირებთ ამ მიმართულებით. კონტურები უკვე გამოკვეთილია, თუმცა არ მინდა წინასწარ მოვლენებს გავუსწრო და ვთქვა რეალურად რა მოლოდინი მაქვს , რადგანაც ეს სენსიტიური თემაა“,- განაცხადა ჯანდაცვის მინისტრმა.

jandacva.ge

Businesspartner

მთავარი სიახლეები

ბიზნესი

"2024 წლიდან 1 უნცია ოქროს ფასი, შესაძლოა, $1800-მდე შემცირდეს"
01

18/07/2023
ბიზნესი

კალმახი თუ შავი ზღვის ორაგული - მარკეტინგული ხრიკები თევზის ბაზარზე
02

18/05/2022
ბიზნესი

ფიზიკური პირებისთვის უძრავი ქონების გაყიდვის შემთხვევაში, გადასახადის გადახდის დრო დაჩქარდება
03

19/05/2023
ბიზნესი

Lafreeo– ქართული ბრენდი, რომელიც ტიხრული მინანქრის ტრადიციას აგრძელებს
04

25/07/2022
ბიზნესი

"ის, რაც სხვისთვის "ნაგავია" ჩემთვის მთავარი ნედლეულია" - ნარჩენებით შექმნილი პროდუქციის ისტორია
05

04/07/2022
ბიზნესი

ექსპორტიორები ქუთაისის საერთაშორიო აეროპორტში სატვირთო  ტერმინალის ამოქმედების საჭიროებაზე საუბრობენ
06

02/11/2023