TBC Capital: ₾/$-ის დეპოზიტების საპროცენტო განაკვეთებს შორის სხვაობა რეკორდულად მაღალია

TBC Capital–ის მონაცემებით, ადგილობრივი და უცხოური ვალუტის დეპოზიტების საპროცენტო განაკვეთებს შორის განსხვავება აგვისტოში კიდევ გაიზარდა და მორიგი რეკორდულად მაღალი, 9.5% შეადგინა.

“მაშინ როდესაც საერთაშორისო ბაზრებზე მომდევნო წელს აშშ დოლარის განაკვეთის მატებაა მოსალოდნელი, ჩვენი აზრით აშშ დოლარის ადგილობრივი განაკვეთები არსებულ დაბალ დონეზე შენარჩუნდება. უფრო მეტიც, შემდგომი კლებაც კი არაა გამორიცხული.“– აღნიშნავს, TBC Capital–ის მთავარი ეკონომისტი.

რაც შეეხება მიზეზებს, ანგარიშში ჩამოთვლილია რამდენიმე ფაქტორი, მათ შორის საბანკო სექტორში უცხოური ვალუტის კვლავ ჭარბი ლიკვიდობა, გრძელვადიან პერიოდში ვალუტაში განაკვეთების სტრუქტურული კლება, რასაც ძალზეც სუსტი კავშირი ჰქონდა საერთაშორისო ბაზრებზე არსებულ დინამიკასთან და ასევე, ლარიზაციის მოსალოდნელი ზრდა.