შეღავათით "სვის კაპიტალის" ყველა მსესხებელი ვერ ისარგებლებს
მ/ო "სვის კაპიტალი" პორტირების აქციას აგრძელებს, რომლის ფარგლებში ავტოსესხს შეღავათიანი პირობებით გასცემს. ავტოსალომბარდე სესხს 4 თვიანი საშეღავათო პერიოდი აქვს და აღნიშნულ პერიოდში მომხმარებელი მხოლოდ პროცენტს ისტუმრებს.
ავტოსესხი (თვიური განაკვეთი 2.5-3,5%, წლიური 31-41% (ეფექტური 50%-მდე) 6 წლამდე ვადით გაიცემა. შეღავათიანი პირობები 5 000 ლარიდან კრედიტებზე ვრცელდება. 10 000 ლარიდან კი მსესხებელი საგირავნო და სამართლებრივი ხარჯებისგანაც თავისუფლდება. ამ მომსახურებების საკომისიო 380 ლარია.
"სვის კაპიტალს" აქვს ავტოლიზინგიც, სადაც მსესხებელს 40-30%-იანი თანამონაწილეობა მოეთხოვება. მაქსიმალური დაფინანსება 80%-ია.
მისოს პორტფელი მოიცავს ასევე სამომხმარებლო და უძრავი ქონებით უზრუნველყოფილ სესხებს. იპოთეკა 10 წლამდე ვადით გაიცემა.
მიკროსაფინანსო ორგანიზაციას, რომელიც მიკრობანკობის პრეტენდენტ მსხვილპორტფელიანი მისოების სამუელშია (I - კრისტალი; II - რიკო), სტატუსის შეცვლის გადაწყვეტილებაზე ჯერ არ უთქვამს.
"სვის კაპიტალის" პორტფელი წლიურად 27%-ით გაზრდილია.
| სვის კაპიტალი | Q1/2023 ₾ | Q1/2022 ₾ |
| აქტივები | 185,441,380 | 144,914,000 |
| სესხები | 173,O57,410 | 136,019,875 |
| წმინდა სა% შემოსავალი | 9,703,100 | 8,035,570 |
| მ.შ ლომბარდიდან | 1,606,280 | 1,516,960 |
| მ.შ ჯარიმა/საურავ -დან | 1,173,250 | 870,073 |
| წმინდა მოგება | 3,514,780 | 3,326,267 |
წყარო: მისო
