ნიკოლოზ ენუქიძემ თიბისი ბანკის ჯგუფის არააღმასრულებელი დირექტორის პოსტიც დატოვა
ნიკოლოზ ენუქიძემ თიბისი ბანკის ჯგუფის არააღმასრულებელი დირექტორის პოსტიც დატოვა, ის ასევე ტოვებს TBC PLC-ის ანაზღაურების კომიტეტს და თიბისი ბანკის (TBC BANK) სამეთვალყურეო საბჭოს, რომელსაც 2019 წლიდან იკავებდა.
თიბისი ბანკის ჯგუფში, ასევე ბანკის ანაზღაურების კომიტეტში არნე ბერგრენი დაინიშნა, რომელიც მარტიდან თიბისი ბანკის ჯგუფის დირექტორთა საბჭოსა და თიბისი ბანკის სამეთვალყურეო საბჭოს თავმჯდომარის პოზიციასაც იკავებს. შეგახსენებთ, ამ დრომდე აღნიშნულ პოზიციას სწორედ ნიკოლოზ ენუქიძე იკავებდა.
შეგახსნებეთ, რომ ენუქიძეს თანამდებობის დატოვება ეროვნული ბანკის მიერ კომერციული ბანკებისთვის კორპორაციული მართვის სტანდარტების შემოღებამ განაპირობა.
კორპორაციული მართვის კოდექსის განახლებული ვარიანტით, დაზუსტდა და დაიხვეწა სამეთვალყურეო საბჭოს დამოუკიდებელი წევრის კრიტერიუმები, თუ აქამდე 9 წლის მანძილზე ითვლებოდა პირი დამოუკიდებელ წევრად, ახლა 7 წლის მანძილზე ჩაითვლება.
