კრედიტინფოში მსესხებლის ახალი კატეგორია შედის
კრედიტინფოს ბაზას მსესხებლის ახალი კატეგორია დაემატა. შემოსავლიანები, ფულადი გზავნილებით.
კრედიტინფოს (ვალდებულებების მიმღები/დამმუშავებელი/შემნახავი ბიურო) ინფორმაციით, ბიურო ფულადი გზავნილების დამუშავებისთვის უკვე მზად არის. მთავარია ბანკებმა მოაგროვონ ინფორმაციის გაცემის მსურველი მომხმარებელი. გზავნილის მიმღების ნებართვის გარეშე, მომსახურე ბანკი ინფორმაციას ვერ გასცემს.
როგორც იცით მონაცემთა ბაზას მარტიდან ფულადი გზავნილები დაემატება. ვალდებულებებში გადმორიცხვების დამატება, გზავნილებით შემოსავლიანი პოტენციური მსესხებლის დაკრედიტების გამარტივებას ემსახურება.
კრედიტინფოს განახლებული ანგარიშით, რომლის ბაზა 10 მლნ ლარამდე კრედიტებით შეივსო (მანამდე მხოლოდ 3 მლნ-მდე სესხებს აღრიცხავდა), ქვეყანაში სულ, 1.9 მლნ მსესხებელია, მათ შორის, 1,625 მილიონი აქტიური მომხმარებელი, ბანკების კლიენტებზე მოდის.
39.9 მლრდ-დან, ₾ 36.366 მლრდ კომერციულ ბანკების გაცემულია და მთლიანი დაბანდების მხოლოდ 8.8% (3.5 მლრდ) მოდის დანარჩენ საფინანსო ინსტიტუტებზე, მ.შ. მიკროსაფინანსო ორგანიზაციებზე.
კრედიტინფოს იანვრის სტატისტიკით, 1 წლამდე ვადაგადაცილება 123 000 პირს (ფიზ/იურიდიულ) უფიქსირდება (1.3 მლრდ ლარის). 2-დან 3–წლამდე ვადაგადაცილებაშია 800 მლნ ლარის პორტფელი.
