"კომერციულ სექტორს არ აქვს უფლება, არ დაემორჩილოს რეგულატორს" - თურნავა
"კომერციულ სექტორს არ აქვს უფლება, რომ არ დაემორჩილოს რეგულატორს,"- ამის შესახებ ეროვნული ბანკის პრეზიდენტის მოვალეობის შემსრულებელმა ნათია თურნავამ დღეს გამართულ საგანგებო ბრიფინგზე განაცხადა.
მისივე განმარტებით, კომერციულ ბანკებს ამ ეტაპზე არაფერი დაურღვევიათ, იქიდან გამომდინარე, რომ გადაწყვეტილება დღეს ამოქმედდა.
"ჩვენ, ისევე როგორც ყოველთვის ნებისმიერი გადაწყვეტილებისა და რეგულაციების მიღებისას, მათთან ძალიან დეტალურად, ტექნიკურ დონეზე გავივლით, თუ როგორ უნდა მოხდეს ამის აღსრულება."-აცხადებს თურნავა.
როგორც ეროვნული ბანკის პრეზიდენტის მოვალეობის შემსრულებელი აღნიშნავს, ეროვნულ ბანკსა და კონერციულ ბანკებს შორის გაურკვევლობა სავარაუდოდ არ მოხდება, იქიდან გამომდინარე, რომ ორივე მხარე ორიენტირებულია საერთაშორისო ვალდებულებების აღსრულებაზე.
თუმცა თურნავა ასევე განმარტავს, რომ მათთვის პრიორიტეტულია ეროვნული კანონმდებლობის ნებისმიერი მუხლის შესრულება.
