კობა გვენეტაძე უცხოურ ვალუტაში სარეზერვო მოთხოვნების გაზრდას არ გამორიცხავს

სებ-ის პრეზიდენტის განცხადებით, მიუხედავად იმისა, რომ მკაცრი მონეტარული პოლიტიკაა, სესხების ზრდა მაინც ძალიან მაღალია. 

"სამომხმარებლო სესხებზე საპროცენტო განაკვეთის გამკაცრება ძალიან მცირედ მოქმედებს, ელასტიურობა ძალიან დაბალია", - აღნიშნა კობა გვენეტაძემ და განმარტა, რომ საჭირო ხდება ახალი რეგულაციის დაწესება. საუბარია, სამომხმარებლო სესხების ვადის 3 წლამდე შემცირებაზე. 

"სიტუაციას ვაკვირდებით. ერთი, შევინარჩუნებთ მკაცრ მონეტარულ პოლიტიკას უფრო ხანგრძლივ პერიოდში, მაგრამ არ გამოვრიცხავთ ამასთან დაკავშირებით კიდევ მივიღოთ ზომები. შესაძლებელია, იყოს სარეზერვო მოთხოვნების გაზრდა უცხოურ ვალუტაში ან კიდევ სხვა ზომები", - აღნიშნა კობა გვენეტაძემ. 

ამასთან, მისი თქმით, 200 000 ლარიანი საკრედიტო ზღვარის დაწესებამ ჭარბვალიანობის შემცირებაში კარგი შედეგი გამოიღო. დაეხმარა დოლარიზაციის შემცირებას. 

"200 000-იანი ზღვარის გაზრდა თუ მოხდება, ეს სიტუაციას ნამდვილად წაადგება", - აღნიშნა კობა გვენეტაძემ.