კობა გვენეტაძე რუსეთიდან ფულად გზავნილებს ერთჯერადი კაპიტალის შემოდინებას უწოდებს
ეროვნული ბანკი რუსეთიდან ფულად გზავნილებს ერთჯერადი კაპიტალის შემოდინებად უყურებს.
"საქართველოს ეროვნული ბანკი აშშ-ის, დიდი ბრიტანეთის, ევროკავშირის მიერ დაწესებულ სანქციებს დაუყოვნებლივ შეუერთდა. რაც შეეხება რუსეთიდან ფულად გზავნილებს, ჩვენ ამას ვუყურებთ, როგორც ერთჯერადი კაპიტალის შემოდინებას, მათ შორის აქამდე რუსეთში მცხოვრები ქართველების ჩათვლით - მათ ჰქონდათ თავისი კაპიტალი რუსეთში და საქართველოში მიგრაციის გამო, ეს კაპიტალი გადმოაქვთ, გადმოტანის ერთ-ერთი ძირითადი საშუალება კი, ფულადი გზავნილების სისტემაა. ვფიქრობ, მას შემდეგ, რაც მიგრაცია დასრულდება, ეს ეფექტი ამოიწურება.
ამ კაპიტალის შემოდინებას გარკვეულწილად აქვს გავლენა იმაზეც, რომ ეკონომიკა უფრო აქტიურია, რა თქმა უნდა ხდება ამ შემოტანილი თანხების დახარჯვა. მაგრამ, მინდა კიდევ ერთხელ ვთქვა, რომ ფინანსური ორგანიზაციები აბსოლუტურად იცავენ დაწესებულ სანქციებს", - განაცხადა კობა გვენეტაძემ.
