იშბანკს ბიუჯეტში შესატანი 2 მილიონით ეზრდება
IFRS-ზე გადასვლის სხვა მოლოდინი ჰქონდა იშბანკს და როგორც ბანკის კომერციულმა დირექტორმა ბიზნესპარტნიორში (საზმაუ) განაცხადა, სხვა შედეგი უდგება:
რეალურად ბანკს არ უთავისუფლდება კაპიტალი, რომლითაც იმუშავებს, ტექნიკური აღრიცხვის პოლიტიკის ცვლილებიდან გამომდინარე (> გაიგე მეტი)
"ბანკის მოგება, საოპერაციო მოგების შემდეგ (ანუ რეზერვების გათვალისწინებით) იქნება უფრო მეტი, მაგრამ ჩნდება დამატებითი კაპიტალის მოთხოვნები, ამ სხვაოებების მაკორექტირებელი", - უჩა სარალიძე CRA ბუფერებზე აღნიშნავს, რომლის მიზანიც სებ-ის განმარტებით, ძირითადად მხოლოდ ბუღალტრული ენის ცვლილება იყო და კონსერვატიული მიდგომების შენარჩუნება, ლიბერალურ ზედამხედველობაზე გადასვლის შემდეგაც.
სარალიძემ ფინანსთა სამინისტროს გადაწყვეტილებით გაზრდილ საგადასახადო წნეხზეც განაცხადა და შესაბამისად ბიუჯეტში შესატანის მატებაზე, რასაც ბუღალტრული ენის ცლილება და გადსახადის 5%-იანი ზრდა განაპირობებს. მისი ანგარიშით, იშ ბანკს სახელმწიფო ბიუჯეტში შესატანი 2 მილიონით ეზრდება.
ბანკის მმართველი შიშობს ინვესტორების განწყობის შესაძლო გაუარესებაზე. თურქი აქციონერი, რომელიც შვილობილი ბანკის მენეჯმენტს წლებია სრულ თავისუფლებას აძლევს, მუდმივად ზრდის ინვესტიციებს, მ.შ. ბოლო პერიოდში, ციფრული არხების განვითარებისთვის, შესაძლოა დააფრთხოს რისკის მაკორექტირებელი ბუფერის დაწესებამ. ეგონოს რომ დამატებით კაპიტალს სთხოვენ.
ამიტომ უნდა მიეცეს ადექვატური პერიოდი ადაპტაციისთვის. ინვესტორისთვის პრიორიტეტულია, რომ ყველაფერი იყოს გაზომვადი.
"ბანკები ვაჩვენებთ მეტ კაპიტალს, მაგრამ ეს არ ნიშნავს, რომ არსებული კაპიტალით უფრო მეტ ხანს ან უფრო მეტი მოცულობით შევძლებთ მუშაობას", - აღნიშნა უჩა სარალიძემ "ბიზნესპარტნიორის" ეთერში.
Isbank
|
2022 ( ₾ |
2021 ( ₾ |
|
|
აქტივები |
413,420,000 |
376,724,000 |
|
სესხები |
270,497,000 |
247,837,000 |
|
-რეზერვი |
-7,298,000 |
|
|
მოგება |
17,736,000 |
11,287,000 |
|
საზ. კაპიტალი |
117,174,000 |
99,324,000 |
წყარო: კომერციული ბანკი
