ალექსანდრე ძნელაძე: წლის ბოლოსთვის საბანკო სექტორის აქტივები მშპ-ის მოცულობას გადააჭარბებს

საბანკო ასოციაციის პრეზიდენტი, ალექსანდრე ძნელაძე განმარტავს, რომ სექტორის წარმატება, მოგება და შემოსავლები პირდაპირპროპორციულად აისახება ქვეყნის ეკონომიკურ მდგომარეობაზე.

“საბანკო სექტორი ქვეყანაში ყველაზე დიდი სექტორია. ალბათ, წლის ბოლოს საბანკო სექტორის აქტივების მოცულობა მთლიანი შიდა პროდუქტის მოცულობას გადააჭარბებს. თუ საბანკო სექტორი მუდმივად ზარალზე იქნება, ეს მხოლოდ მისი მაჩვენებელი არ იქნება. ეს ნიშნავს, რომ მთლინად, ქვეყნის მასშტაბით აღარ მოხდება ეკონომიკური ზრდის გენერირება”,- აღნიშნა ძნელაძემ გადაცემაში "ბიზნესპარტნიორის ოთხეული".

მისივე თქმით, კორონა ვირუსის პანდემიის გამო საბანკო სექტორი 2020 წელს ზრდას არ ელოდება. მდგომარეობის გაჯანსაღებას კი მეოთხე კვარტლიდან პროგნოზირებენ.

“იმედი გვაქვს, მეოთხე კვარტალში რეაბილიტაციას დაიწყებს ყველა სექტორი და ამ თვალსაზრისით ჩვენ დავინახავთ რალურ სურათს. აღარ გვექნება კონსერვატიული რეზერვები, არამედ რეალურად შევაფასებთ ვადიანობასაც”,- განაცხადა ыაბანკო ასოციაციის პრეზიდენტმაю