ფინანსები
01/02/2021
2021 წელს ტურიზმსა და სამასპინძლო ბიზნესში გარდატეხა მოხდება - არჩილ გაჩეჩილაძე
"საქართველოს ბანკის" გენერალური დირექტორი ქვეყნის ეკონომიკის გაჯანსაღებისთვის ტურიზმის სექტორის გამოცხოცლებას ერთ-ერთ მნიშვნელოვნად მიიჩნევს.
როგორც არჩილ გაჩეჩილაძემ გადაცემაში "ბიზნესპარტნიორის ოთხეული" განაცხადა, უმნიშვნელოვანესია, რომ ტურიზმის სექტორი რაც შეიძლება მალე დაუბრუნდეს იმ ბრუნვებს, რაც ჰქონდათ.
მისი განმარტებით, 2021 წელს, სფერო, სადაც გარდატეხა მოხდება ტურიზმი და სამასპინძლო ბიზნესია.
„ამ დარგებში საექსპორტო პოტენციალია, ხალხი ჩამოდის, აქ ტოვებს მყარ ვალუტას. შესაბამისად, ეს კვებავს მთელ ეკონომიკას. საკითხი კომპლექსურია, მოიცავს ფრენების გახსნას... თუმცა, ეს სფეროები პრიორიტეტია და ეს არის გასაღები იმისა, რომ სწრაფად მოხდეს გადაცემა დანარჩენ სექტორზე,“ - აცხადებს გაჩეჩილაძე.
