ენერგეტიკა
16/10/2020
თურქეთიდან ელექტროენერგიის იმპორტს "აჭარენერჯი -2007" განახორცილებს
თურქეთიდან ელექტროენერგიის იმპორტს „აჭარენერჯი -2007“ განახორცილებს.
კომპნაიამ ესკოს ტენდერში საუკეთესო წინანდადება წარადგინა. კომპანია თურქეთიდან საქართველოში ნოემბერში 120.35 მლნ კვტ.სთ ელექტროენერგიას შემოიტანს.
საქართველო ელექტროენერგიას ძირითადად, აზერბაიჯანიდან და რუსეთიდან ყიდულობს.
წლიურ ჭრილში იმპორტის დაახლოებით 60% აზერბაიჯანზე მოდის, 40% კი - რუსეთზე.
„იმ შემთხვევაში, თუ შემოთავაზებული ფასი მისაღები აღმოჩნდება, ელექტროენერგიის მესამე იმპორტიორი ქვეყანაც გვეყოლება, თურქეთის სახით. ეს ასევე ხელს შეუწყობს ბაზრის დივერსიფიკაციის პროცესს და შესაბამისად, ქვეყნის ენერგოუსაფრთხოებას,“ - განუცხადა გასულ კვირაში „ბიზნესპარტნიორს“ ელექტროენერგეტიკული ბაზრის ოპერატორის გენერალურმა დირექტორმა ზაზა დვალიშვილმა.
