ნათია თურნავა: ხუდონჰესით ინვესტორი დაინტერესებული აღარ არის

ეკონომიკის მინისტრის ნათია თურნავას განცხადებით, ხუდონჰესთან დაკავშირებით ინდურ კომპანია “ტრანს ელექტრიკასთან“ შეთანხმება 2011 წელს დაიდო, თუმცა 10 წელია პროექტი ვერ განხორციელდა.

მისი თქმით, ამ ეტაპზე კომპანიასთან მიმდინარეობს შეთანხმება ხელშეკრულების მოშლაზე.

“10 წელი გავიდა უკვე და ეს პროექტი ვერ განხორციელდა. აქ არის მიზეზების ნაკრები, მათ შორის პროექტის სირთულე. აქედან გამომდინარე ჩვენ 1 წლის წინ მივიღეთ გადაწყვეტილება, რომ საერთაშორისო კონსულტანტის დახმარებით მოველაპარაკოთ, შევუთანხმდეთ ინდურ ინვესტორს, რომ მოვშალოთ თანდათან ეს შეთანხმება, რომელიც ჩვენს შორის იყო დადებული, რა თქმა უნდა აქ რომ იყოს მარტო მათი ბრალეულობა, ჩვენ ხისტად წავიდოდით ამ კონტარქტის მოშლაზე, მაგრამ ვინადაინ ობიექტური და სუბიექტური მიზეზები ორივე მხარეს არის, მათ შორის მოსახლეობის თემაა, პროექტის სწორი სტრუქტურირება და ა.შ. ორივე მხარემ მივიღეთ გადაწყვეტილება, რომ ურთიერთშეთანხმებით მოხდეს ამ პროექტის და იმ აქტივების, რაც აქამდე იყო გადაცემული ინდუსებისთვის, სახელმწიფოსთვის დაბრუნება. ინვესტორს ინტერესი აღარ აქვს, რადგან 10 წლის განმავლობაში ეს ვერ განახორციელა, აქ სხვა მიდგომა იქნება საჭირო“,- აღნიშნა ნათია თურნავამ.