ნამახვანჰესის მოსამზადებელი სამუშაოების უსაფუძვლოდ გაჩერება საინვესტიციო გარემოს დააზიანებს - ნათია თურნავა
ნამახვანჰესის მოსამზადებელი სამუშაოების შეჩრებასთან დაკავშირებით აქტივისტების მოთხოვნა არ დაკმაყოფილდება.
ეკონომიკის მინისტრის ნათია თურნავას განცხადებით, ეს მოთხოვნა არც ევროპელმა მედიატორებმა არ გაიზიარეს.
მისი თქმით, მოსამზადებელ სამუშაოებს, გარემოს დაცვით საკითხებზე არსებითი ზეგავლენა არ აქვთ. კომპანიას სამუშაოების წარმართვის ნებართვა აქვს. სამუშაოების დასაბუთების და საფუძვლის გარეშე შეწყვეტა კი, ქვეყნის საინვესტიციო გარემოს დააზიანებს და ინვესტორის უფლებებს შელახას.
“მოსამზადებელი სამუშაოების შეჩერებაზე აქტივისტების მოთხოვნა ევროპელმა მედიატორებმა არ გაიზიარეს. სერიოზული კონტრარგუმენტები იყო წაყენებული. კომპანიამ ჩვენი მოთხოვნით, 12 თვით გადადო კაშხლის მშენებლობა, რომელიც შესწავლის მთავარი ობიექტია და უსაფრთხოებასთან დაკავშირებით ყველაზე მეტი კითხვა ამასთან მიმართებაში იყო. ყველაზე მეტი კვლევა აქ არის ცასატარებელი“, - აღნიშნა ნათია თურნავამ.
