ენერგეტიკა
12/10/2020
"ენგურჰესის“ რეაბილიტაცია თებერვლიდან დაიწყება
ენგურჰესის რეაბილიტაცია 15 თებერვლიდან დაიწყება. საქართველოს უდიდესი ჰიდროელექტროსადგურის სადერივაციო გვირაბში სამუშაოები სამთვენახევრის განმავლობაში გაგრძელდება და მაისის ბოლოს დასრულდება.
ენგურჰესის დირექტორთა საბჭოს თავმჯდომარის განმარტებით, სადგურის გაჩერებით საქართველოს ელექტროსისტემას 400 მილიონი კილოვატსაათი ელექტროენერგია დააკლდება.
პროექტი EBRD-ის ფინანსური მხარდაჭერით განხორციელდება.
შეგახსენებთ, რომ ენგურჰესის გვირაბის სარემონტო სამუშაოების დაწყება უკვე რამდენჯერმე გადაიდო. თავდაპირველად რეაბილიტაცია 2018 წელს, შემდეგ კი 2019 წელს იყო დაგეგმილი.
