ენგურჰესის რეაბილიტაცია 48 მლნ ევრო დაჯდება
ენგურჰესის რეაბილიტაცია 48 მლნ ევრო დაჯდება. როგორც ენგურჰესის დირექტორთა საბჭოს თავმჯდომარემ „ბიზნსპარტნიორს“ განუცხადა, ამ ეტაპზე წყალსაცავიდან ნალექის ამოწმენდის სამუშაოები მიმდინარეობს.
„ახლა წყალსაცავიდან ლამის ამოწმენდის სამუშაოები მიმდინარეობს. დაწყებულია ელექტრო და ჰიდრომექანიკური ტექნიკის რეაბილიტაცია, ასევე ენგურის ხიდიდან ჰიდროელექტროსადგურამდე სამანქანო გზის რეაბილიტაცია. მეოთხე საფეხური კი გვირაბის სარემონტო სამუშაოებია. ოთხივე საფეხური ჯამში დაახლოებით 48 მლნ ევრო ჯდება. პროექტი მთლიანად EBRD-ის დაფინანსებით ხორციელდება,“ - განმარტა ლევან მებონიამ.
ენგურჰესის რეაბილიტაცია 15 თებერვლიდან დაიწყება.
საქართველოს უდიდესი ჰიდროელექტროსადგურის სადერივაციო გვირაბში სამუშაოები სამთვენახევრის განმავლობაში გაგრძელდება და მაისის ბოლოს დასრულდება.
