ელექტროენერგიის მოხმარება მცირდება

საქართველოში ელექტროენერგიის მოხმარება შემცირების ტრენდს ინაჩუნებს.

9 თვეში ქვეყანამ 9 მლრდ-მდე კვტ.სთ ელექტრონერგია მოიხმარა, წლიურად კლება 6.4%-ია, რაც იმას ნიშნავს, რომ მოხმარება 615 მლნ კილოვატსაათით შემცირდა.

კლებაა ექსპორტშიც, 9 თვეში საექსპორტო ბაზრებზე 152 მლნ კვტ.სთ ელექტრონერგია გავიდა, 36%-ით ნაკლები ვიდრე შარშან.

რაც შეეხება იმპორტს, ამავე პერიოდში, ქვეყანამ 927 მლნ კვტ.სთ ელექტროენერგია შეიძინა. ნოემბრის პირველ დღეებში იმპორტი აზერბაიჯანიდან და თურქეთიდან ხორციელდება.