TBC Capital-ის ვარაუდით, 2022 წლის ეკონომიკის ზრდა 6%-ს გადააჭარბებს

TBC Capital–მა მთავარი ეკონომისტის განახლება გამოაქვეყნა. პუბლიკაციის თანახმად, იანვრის საქონლით ვაჭრობის მაჩვენებლები მნიშვნელოვნად გაუმჯობესდა, როგორც წ/წ, ასევე პანდემიის საბაზო ეფექტის გამორიცხვითაც.

გზავნილების დინამიკა კი იანვარშიც სტაბილურად ძლიერი იყო. ამასთან, საქონლით ვაჭრობის მსგავსად, იანვარში ტურისტული შემოსავლების აღდგენაც აჩქარდა, რაც მიმდინარე წელს, 2019 წელთან შედარებით, 75-80%-ზე მეტი შემოდინებების ალბათობას ზრდის. ასეთ შემთხვევაში კი, TBC Capital–ის მთავარი ეკონომისტი ვარაუდობს, რომ იანვრის სავარაუდოდ მოსალოდნელი ორნიშნა ზრდით დაწყებული, 2022 წლის ეკონომიკის ზრდა 5.5%- 6.0%-ზე მეტი იქნება.

ამასთან, ანგარიშში ნათქვამია, რომ უკრაინაში მიმდინარე მოვლენები მთავარ რისკ ფაქტორად რჩება.