სებ-მა მონეტარული პოლიტიკის განაკვეთი 0.5%-ული პუნქტით 10.5%-მდე გაზარდა
სებ-მა მონეტარული პოლიტიკის განაკვეთი 0.5%-ული პუნქტით 10.5%-მდე გაზარდა
გადაწყვეტილება მონეტარულიპოლიტიკის კომიტეტმა დღეს მიიღო.
მონეტარული პოლიტიკის კომიტეტის შემდეგი სხდომა 2022 წლის 2 თებერვალს ჩატარდება.
სებ-ი მაღალ ინფლაციურ მოლოდინზე აცხადებს, რომელიც მსოფლიოში პანდემიით გამოწვეულ გამოწვეულმა არაორდინარული ვითარებით ხსნის.
მიუხედავად იმისა, რომ ნოემბერში წლიური ინფლაცია მცირედით, 12.5%-მდე შემცირდა, ეროვნული ბანკი მიმდინარე წლის დეკემბერსა და 2022 წლის იანვარ-თებერვალში ისევ მაღალ ინფლაციას ელის. ამ შემთხვევაში ყურადსაღებია მიმდინარე ინფლაციაზე კომუნალური გადასახადების სუბსიდიის სტატისტიკური გავლენა.
"მოსალოდნელია, რომ შემდგომ თვეებში ინფლაცია, კომუნალური გადასახადების ზემოხსენებული საბაზო ეფექტის გამო, დროებით გაიზრდება, თუმცა გაზაფხულიდან ის შემცირებას დაიწყებს. ინფლაციის ეტაპობრივ შემცირებას, ერთჯერადი ფაქტორების მილევასთან ერთად, დაგეგმილი ფისკალური კონსოლიდაცია და გამკაცრებული მონეტარული პოლიტიკა შეუწყობს ხელს. მომავალში პოლიტიკის განაკვეთის შემცირების წინაპირობა მნიშვნელოვნად შემცირებული ინფლაცია და ინფლაციური მოლოდინები იქნება," - მიათითებს ეროვნული ბანკი.
სებ-ი მიათითებს, რომ ბიუჯეტის დეფიციტი წლიურად შემცირებულია, თუმცა მისი დონე ჯერ კიდევ მაღალია, რაც შიდა მოთხოვნას გაზრდილ ნიშნულზე ტოვებს.
