საქსტატი: ყველაზე მეტი პირდაპირი უცხოური ინვესტიცია ენერგეტიკის სექტორში განხორციელდა

საქსტატის მონაცემებით, 2022 წლის II კვარტალში ყველაზე მეტი პირდაპირი უცხოური ინვესტიცია ენერგეტიკის სექტორში განხორციელდა და $76.6 მლნ შეადგინა, რაც მთლიანი პირდაპირი უცხოური ინვესტიციების 21.8%–ია.

მეორე ადგილს იკავებს უძრავი ქონების სექტორი - $75.6 მლნ–ით და 21.5%–იტ, ხოლო მესამეზე იმყოფება საფინანსო სექტორი $47.6 მლნ–ით, რაც მთლიანი ინვესტიციების 13.5%–ია.

სამეულს მიღმაა დამამუშავებელი მრეწველობა– $40.5 მლნ, მშენებლობა– $26.8 მლნ, ტრანსპორტი – $13.2 მლნ,  სასტუმროები და რესტორნები $10.8 მლნ, სოფლის მეურნეობა, თევზჭერა $3.2 მლნ, ხოლო დანარჩენი სექტორების წილმა $57.4 მლნ შეადგინა.

ცნობისთვის, წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2022 წლის II კვარტალში $351.8 მლნ შეადგინა, რაც 2021 წლის II კვარტალის დაზუსტებულ მონაცემებზე 9.1–ით მეტია.