"სახელმწიფო საწარმოებმა დამოუკიდებლად უნდა იფუნქციონირონ, უნდა მოხდეს მათი კორპორატიზაცია"
ფინანსთა მინისტრის ლაშა ხუციშვილის განცხადებით, ეკონომიკის სწრაფი ზრდის შესანარჩნებლად მნიშვნელოვანია სახელმწიფო საწარმოების, კაპიტალის ბაზრის, სახელმწიფო ინვესტიციების რეფორმა.
მისი თქმით, სახელმწიფო საწარმოების რეფორმა კონკრეტული სტრატეგიიდან გამომდინარე უნდა განხორციელდეს. სტრატეგია დასრულების ეტაპზეა და საჯარო რამდენიმე კვირაში გახდება.
“სტრატეგია მიეწოდება საზოგადოებას და შესაძლებელი იქნება, მასზე ვიმსჯელოთ. სწორედ ამ სტარტეგიას უნდა დაეფუძნოს ნებისმიერი საწელმწიფო საწარმოს რეფორმა, ამ სტარტეგიიდან გამომდინარე უნდა იყოს ის მიზნები მიღწეული, რომელიც გვინდა, რომ სახელმწიფო საწარმოებში იყოს აღსრულებული და გატარებული. ამ მიმართულებით მნიშვნელოვანია, რომ სახელმწიფო საწარმოებმა შეძლონ ფუნქციონირება დამოუკიდებლად, უნდა მოხდეს მათი კორპორატიზაცია, ეს უნდა მოხდეს ყველაზე სწორი და გამჭვირვალე გზით, რაც არის კაპიტალის ბაზრის რეფორმის შესაბამისად, ანუ მათი აქციები უნდა ივაჭრებოდეს აუცილებლად საფონდო ბირჟაზე და შესაბამისად მხოლოდ ამ ფორმით უნდა მოხდეს მათი პრივატიზაცია. ხოლო, სანამ აღნიშნული კომპანიები მიაღწევენ იმ სტანდარტს, რაც უნდა მიაღწიონ იმისთვის, რომ დააკმაყოფილონ გამჭვირვალობის და კორპორატიული მართვის შესაბამისი სტანდარტები, სწორედ ამისთვისაა საჭირო სწორედ სახელმწიფო საწარმოების რეფორმის სტრატეგიიდან გამომდინარე განხორციელდეს ყველა ქმედება“,- განაცხადა ლაშა ხუციშვილმა.
