საქართველოს პორტებში ტვირთბრუნვა 10.4%-ით გაიზარდა

საქართველოს პორტებს ტვირთბრუნვა გაეზარდა. 5 თვის მონაცემებით, ნავსადგურებსა და ტერმინალებში 7.4 მლნ ტონა ტვირთის გადამუშავება მოხდა, წლიურ ჭრილში ზრდა 10.4%-ია.

ფოთის პორტმა 3.4 მლნ ტონა ტვირთი მიიღო, რაც გასული წლის ამავე პერიოდის ინდენტური მაჩვენებელია. ბათუმის პორტში ზრდაა 0.2 მილიონით, 1.5 მლნ ტონამდე, ასევე ზრდაა სუფსისა და ყულევის ტერმინალებში, სადაც შესაბამისად, 1.8 მლნ და 0.7 მლნ ტონა ტვირთის გადამუშავება მოხდა.

შარშანელი რეკორდული მაჩვენებლების შემდეგ, ზრდის მცირე ტრენდს აჩვენებს საკონტეინერო გადაზიდვები. 5 თვეში საზღვაო ნავსადგურებში 232 537 TEU კონტეინერი გადამუშავდა, საიდანაც 177 908 TEU ფოთის პორტზე მოდის, 54 629 კი, ბათუმზე. ფოთში კლებაა 9.7% (- 19 263 TEU), ბათუმში კი ზრდაა, 56%-ით, 34 989 ერთეულიდან 54 529 - მდე.