რა გავლენას მოახდენს უკრაინის მოვლენები საქართველოსა და რეგიონზე - ვიქტორ ყიფიანის შეფასება
რა გავლენას მოახდენს უკრაინის ირგვლივ განვითარებული მოვლენები რეგიონზე და საქართველოზე, ამ თემაზე გადაცემაში "ბიზნესპარტნიორი" ანალიტიკური ორგანიზაცია "ჯეოქეისის" თავმჯდომარე ვიქტორ ყიფიანმა ისაუბრა.
მისი თქმით, უკრაინა საქართველოსთვის ერთ-ერთი უმსხვილესი სავაჭრო პარტნიორია და გავლენა, რა თქმა უნდა, იქნება როგორც გეოპოლიტიკური, ასევე ეკონომიკური კუთხით.
"როდესაც საექსპორტო და სავალუტო შემოსავალზე ვსაუბრობთ, უკრაინის ბაზრის დაკარგვა, ფორსმაჟორული ომით გამოწვეული პირობების გამო, ჩვენი ყვექნისთვის არსებითად მნიშვნელოვანია. რაც შეეხება გეოპოლიტიკურ მხარეს, არაერთხელ მითქვამს, რომ ეს არ არის მხოლოდ უკრაინა-რუსეთის ფედერაციის საკითხი, ეს არის გაცილებით უფრო დიდი სურათი, თუ როგორ დალაგდება, როგორი იქნება ძალთა ახალი განლაგება დასავლეთისა და რუსეთის ფედერაციის მხრიდან პოსტსაბჭოთა სივრცეში. ამიტომ უკრაინასთან მიმართებაში მწვავე კითხვაზე პასუხის გაცემა, ბუნებრივია უშუალოდ ეხება ჩვენს საკითხსაც და იმას თუ როგორ იქნება ხვალინდელი გეოპოლიტიკური თუ გეოეკონომიკური პერსპექტივა."-აღნიშნავს, ვიქტორ ყიფიანი.
