პრემიერის შეფასებით ინფლაცია მაღალია, თუმცა "ნაცმოძრაობის" დროს უფრო მაღალი იყო

ირაკლი ღარიბაშვილი იხსენებს, რამდენი პროცენტი იყო ინფლაცია "ნაციონალური მოძრაობის" მმართველობის დროს.

პრემიერმა თქვა, რომ მაგალითად ეს რიცხვი 2006 წელს 14.5% იყო. 2021 წლის თებერვალში არსებული 13.7%-იანი მაჩვენებელი კი პანდემიისა და ომის დამსახურებაა. 

"დღეს, ამ კრიზისების ფონზე, პოსტ პანდემიურ ფონსა და ომის ფონზე, თებერვალში ინფლაციის დონე 13.7% იყო, რაც მაღალი მაჩვენებელია. ჩვენ ამას გააზრებულად ვუდგებით. მაგრამ შედარებისთვის რომ ავიღოთ, წინა მთავრობის დროს წლიური ინფლაცია 2011 წლის მაისში 14.3% იყო. იმავე წლის მარტში 13.9%, აპრილში 13.5%. უფრო ადრეც ინფლაციამ შეადგინა 14.5%. მაგალითად, 2006 წელს. საშუალო წლიური ინფლაცია წინა ხელისუფლების დროს 6.2% იყო. მაშინ, როდესაც ჩვენ დროს 4.2%-ია. ასე რომ, ამას ყველაფერს სჭირდება კარგი გააზრება",- განაცხადა ღარიბაშვილმა.