პრემიერი: წელს 7.7%-იანი ეკონომიკური ზრდა გვექნება

პრემიერ-მინისტრის ირაკლი ღარიბაშვილის შეფასებით, ეკონომიკის გახსნამ და რეგულაციების მოხსნამ ბიზნესში პოზიტიური მოლოდინები გააჩინა. აპრილში ეკონომიკის უპრეცედენტო ზრდა დაფიქსირდა.  

მისი თქმით, წელს 7.7%-იანი ეკონომიკური ზრდა იქნება, ხოლო მშპ-ს ნომინალური მაჩვენებელი 57.2 მილიარდ ლარს შეადგენს. 

“4 თვის წინ, როდესაც ეკონომიკის გახსნა დავიწყეთ და რეგულაციები მოიხსნა, ამან საკმაოდ პოზიტიური მოლოდინები გააჩნა ბიზნესში და ზოგადად ქვეყანაში. ჩვენ აპრილში გვქონდა უპრეცედენტო ეკონომიკური ზრდა, 45%-ის ფარგლებში, მაისში გვქონდა 25%-იანი ზრდა, რამაც განაპირობა ის, რომ წლევანდელი პროგნოზი შეგვეცვალა“,- განაცხადა პრემიერმა მთავრობის სხდომის დაწყებამდე.