პრემიერი ივნისში 18%-იან ეკონომიკურ ზრდას ელოდება

პრემიერ-მინისტრის ირაკლი ღარიბაშვილის შეფასებით, საქართველოში ეკონომიკის უპრეცედენტო ზრდაა. 

პრემიერი ივნისში 18%-იან ზრდას ელოდება. 

“ყველაფერი გავხსენით, რამდენიმე თვეა ეკონომიკა ძალიან სწრაფი ტემპით იზრდება, გვაქვს უპრეცედენტო ზრდა მთელ მსოფლიოში, 45%-იანი ზრდა აპრილში, 24%-იანი მაისში, 18%-იან ეკონომიკურ ზრდას ველოდებით ივნისში. პრაქტიკულად 12%-იანი ზრდა გვაქვს პირველ 6 თვეში, რამაც მოგვცა საშუალება, არცერთი ლარი, არცერთი თეთრი სესხი წელს არ აგვიღია. უფრო მეტიც, 1 მლრდ ლარზე მეტით გავზარდეთ წლევანდელი ბიუჯეტი, რამაც მოგვცა საშუალება, დავაფინანსოთ არაერთი პროგრამა ჩვენი მოსახლეობისთვის“,- აღნიშნა ირაკლი ღარიბაშვილმა.