პირველ კვარტალში პირდაპირი უცხოური ინვესტიციები 14%-ით შემცირდა
2023 წლის პირველ კვარტალში საქართველოში 496.6 მლნ დოლარის პირდაპირი უცხოური ინვესტიცია განხორციელდა, რაც წინა წლის ანალოგიურ პერიოდთან შედარებით, 13.7%-ით ნაკლებია, 2022 წლის მეოთხე კვარტლის მონაცემებს კი 53 %-ით აღემატება.
სტატისტიკის ეროვნული სამსახურის მონაცემებით, იანვარ-მარტში ინვესტორ ქვეყნებს შორის პირველ ადგილზე ნიდერლანდები იყო, საიდანაც საქართველოში 240 მლნ დოლარის ინვესტიცია განხორციელდა, რაც მთლიანი პირდაპირი უცხოური ინვესტიციების 48.2%-ს შეადგენს. ხუთეულში იაპონია, აშშ, თურქეთი და რუსეთი შედიიოდნენ. ყველაზე დიდი მოცულობის პირდაპირი უცხოური ინვესტიცია დამამუშავებელი მრეწველობის, ვაჭრობისა და ტრანსპორტის მიმართულებით განხორციელდა.
დამამუშავებელი მრეწველობის სექტორში ინვესტიცია 226 მლნ დოლარს აღემატებოდა. ვაჭრობის სექტორში ინვესტიცია - 90.7 მლნ. დოლარიიყო, ხოლო ტრანსპორტის სექტორში 43.3 მლნ. დოლარის პირდაპირი უცხოური ინვესტიცია განხორციელდა.
