NDI: უმრავლესობის აზრით, 2016 წლის შემდეგ, ეკონომიკურად მათი მდგომარეობა უცვლელია

ეროვნულ-დემოკრატიული ინსტიტუტის (NDI)-ის კვლევის თანახმად, გამოკითხული მოსახლეობის უმრავლესობა აცხადებს, რომ 2016 წლის შემდეგ, კეთილდღეობის თვალსაზრისით, მათი ოჯახის მდგომარეობა არ შეცვლილა.

კერძოდ, საქართველოში გამოკითხული მოსახლეობის 45% აცხადებს, რომ იგივე მდგომარეობაა, 32%-ის თქმით, მდგომარეობა გაუარესდა, 23% კი, ამბობს, რომ მდგომარეობა უკეთესია. თითქმის იგივეს აცხადებს სოფელში მცხოვრები მოსახლეობა. კერძოდ, გამოკითხულთა 45% აცხადებს, რომ 2016 წლის შემდეგ მათი ოჯახი იგივე მდგომარეობაშია, 30% ამბობს, რომ მდგომარეობა გაუარესდა, 25%-ის თქმით, მდგომარეობა უკეთესია.