NDI: გამოკითხულთა უმრავლესობისთვის ყველაზე დიდი ეკონომიკური პრობლემა უმუშევრობა და ფასების ზრდაა

ეროვნულ-დემოკრატიული ინსტიტუტის (NDI)-ის კვლევის თანახმად, გამოკითხული მოსახლეობის უმრავლესობა აცხადებს, რომ საქართველოს ეკონომიკის წინაშე მდგარი ყველაზე დიდი პრობლემა უმუშევრობა და ფასების ზრდაა.

2020 აგვისტოს მონაცემებით, გამოკითხული მოსახლეობის უმეტესობა, 67% მთავარ პრობლემად უმუშევრობას ასახელებდა, 33% კი, ფასების ზრდას. 2020 წლის დეკემბრის მონაცემებით, კი ფასების ზრდით უკმაყოფილო მოსახლეობის რაოდენობა გაიზარდა. დეკემბერში გამოკითხული მოსახლეობის 28% დიდ პრობლემად ასახელებს სიღარიბეს, 27% - ლარის გაუფასურებას, 14% -პანდემიასთან დაკავშირებულ შეზღუდვებს, 11% -დაბალ ხელფასებს, 6%- საზღვრების ჩაკეტვას.