ეკონომიკა
21/07/2021
მთავრობა ვალს მარტო იმ პროექტებისთვის აიღებს, რომელსაც მოგება ექნება - ახალი სტრატეგია
მთავრობა ვალის მართვის განახლებულ სტრატეგიაზე მუშაობს, რომელიც მიმდინარე წლის აგვისტოში გახდება ცნობილი.
ფინანსთა მინისტრის მოადგილის გიორგი კაკაურიძის განცხადებით, ამ ეტაპზე კონსულტაციები საერთაშორისო საფინანსო ინსტიტუტებთან მიმდინარეობს.
მან განახლებული სტრატეგიის დეტალებზე არ ისაუბრა, თუმცა ერთ-ერთი კომპონენტი დაასახელა, რომლის თანახმადაც, მთავრობა არცერთი საინვესტიციო პროექტისთვის არ აიღებს სესხს, თუ მას არ ექნება ეკონომიკური დასაბუთება და მომგებიანობა.
“მე აბსოლუტურად მესმის, სახელმწიფოს აქვს ვალდებულება, გარკვეული სოციალური ინფრასტრუქტურული პროექტებიც აკეთოს, თუმცა ეს ნაწილი უნდა ვაკეთოთ იმ რესურსით, რაც ბიუჯეტს ექნება და ყველა სესხი ავიღოთ მხოლოდ ეკონომიკური სარგებლის მომტანი პროექტების დასაფინანსებლად“,- აღნიშნა გიორგი კაკაურიძემ.
