ლაშა ხუციშვილი: ქვეყანაში არსებული ხორბლის მარაგი საკმარისია
ფინანსთა მინისტრის განცხადებით, საქართველოში არსებული ხორბლის მარაგები საკმარისია.
თუმცა, მინისტრი აქვე ამბობს, რომ თუ სასურსათო უსაფრთხოება რისკის ქვეშ დადგება, დამატებითი რესურსის შემოტანა განიხილება.
"ხორბლისა და ფქვილის ფასთან დაკავშირებით ვითარება ძალიან დინამიურია. ფასების შემცირებისა და ზრდის მიმართულებით ცვლილებები ძალიან სწრაფად ხდება. შესაბამისად, ამ ეტაპზე ვაგრძელებთ მუშაობას. თუ მაღალი რისკი იქნება, რომ ქვეყანას უფრო მეტი მარაგი დასჭირდება სასაურსათო უსაფრთხოების გამყარებისთვის, ასეთ გადაწყვეტილებას მივიღებთ. მსგავსი გადაწყვეტილება მივიღეთ პანდემიის პერიოდში. ახლა კი ასეთი საფრთხე არ დგას. ხორბლის რესურსი ქვეყანას 1 თვის განმავლობაში ყოფნის. თუ დადგება სასურსათო უსაფრთხოების საფრთზე, მივიღებთ მარაგების შემოტანის გადაწყვეტილებას",- განაცხადა ხუციშვილმა.
