ეკონომიკა
28/03/2022
ლაშა ხუციშვილი: აპრილიდან ინფლაცია შემცირებას დაიწყებს
მთავრობა მომდევნო თვეებიდან ინფლაციის მაჩვენებლის შემცირებას პროგნოზირებს, თუმცა მის სამიზნე, 3%-იან მაჩვენებელთან დაახლოებას გამორიცხავს.
"ინფლაციასთან დაკავშირებით გვქონდა პროგნოზი და გათვლები, მათ შორის ეროვნულ ბანკთან ერთად, რომ ის უნდა დაბრუნებულიყო მიზნობრივ მაჩვენებელთან, რომელიც 3%-ია. თუმცა, უკრაინაში რუსეთის შეჭრისა და ომის დაწყების შემდეგ ეს გათვლები დაკორექტირდა. შესაბამისად, მთელ რიგ საერთაშორისო ბაზრებზე პროდუქტებზე დაიწყო ფასების ზრდა. ბარელზე ნავთობის ფასი $70-დან $120-მდე გაიზარდა. ეს ყველაფერი საქართველოზე ჰპოვებს ასახვას. ინფლაცია დაიწყებს შემცირებას მარტი-აპრილიდან, თუმცა მიზნობრივ მაჩვენებელს ვერ დაუახლოვდება",- განაცხადა ფინანსთა მინისტრმა, ლაშა ხუციშვილმა.
ცნობისთვის, თებერვალში ინფლაციის მაჩვენებელი 13.7% იყო.
