კაზინოები, ბანკები - გონიოს ყოფილ პოლიგონზე ეკონომიკური ზონის შექმნა იგეგმება
გონიოს ყოფილ პოლიგონზე სპეციალური ეკონომიკური ზონის შექმნა იგეგმება.
როგორც პრემიერ-მინისტრმა ირაკლი ღარიბაშვილმა განაცხადა, ამჟამად კონცეფციაზე მიმდინარეობს მუშაობა, რომელიც წლის ბოლოს დასრულდება.
“არსებობს უნიკალური ადგილი, გონიოს ყოფილი პოლიგონი, რომელიც დაახლოებით 300 ჰექტარია, უფრო მეტიც. გვაქვს შემდეგი ხედვა, რომ ამ ადგილზე უნდა შეიქმნას სპეციალური ეკონომიკური ზონა, თავისი ფინანსური ცენტრით, რეალურად ახალი ქალაქის მშენებლობას ეხება აღნიშნული პროექტი და იდეა. ჩვენ ამჟამად ვმუშაობთ კონცეფციაზე, რომელიც წლის ბოლოს დასრულდება. ჩვენი სურვილია, რომ ჩავრთოთ ყველაზე კომპეტენტური, საუკეთესო ორგანიზაციები, რომელიც ამ სფეროში სპეციალიზებულები არიან. გონიოში უნდა აშენდეს ახალი ქალაქი, თავისი კაზინოებით, ოფისებით, ბანკებით - უნდა შეიქმნას ფინანსური ცენტრი“,- აღნიშნა პრემიერ-მინისტრმა.
