ეკონომიკა
25/01/2021
ჯანდაცვაში ყველაზე დიდ პრობლემად წამლების საფასური სახელდება-NDI
ეროვნულ-დემოკრატიული ინსტიტუტის (NDI)-ის კვლევის თანახმად, გამოკითხული მოსახლეობის უმრავლესობა აცხადებს, რომ ჯანდაცვის სისტემის წინაშე მდგარი ყველაზე დიდი პრობლემა წამლების საფასური და კორონავირუსთან დაკავშირებული საკითხებია.
2020 წლის აგვისტოს მონაცემებით, წამლების საფასურის პრობლემაზე გამოკითხული მოსახლეობის 56% საუბრობს, დეკემბრის მონაცემებით კი - 46%. დეკემბრის კვლევაში გამოკითხულთა 25% პრობლემად პანდემიის სხვადასხვა გამოწვევებს ასახელებს, 16% -საავადმყოფოების ხელმისაწვდომობას კორონავირუსთან მიმართებაში. გამოკითხულ მოსახლეობას ექიმთან ვიზიტების საფასურიც აწუხებს.
