ირაკლი ღარიბაშვილი: ქვეყანა დაკეტვას ვეღარ გაუძლებს

პრემიერ-მინისტრის ირაკლი ღარიბაშვილის განცხადებით, ქვეყანა დამატებითი შეზღუდვების დაწესებას ვეღარ გაუძლებს. 

მისი თქმით, ქვეყანაში ეკონომიკამ აღდგენა დაიწყო, პარალელურად მძიმდება პანდემიური მდგომარეობა.

პრემიერმა მოქალაქეებს მოუწოდა, დაიცვან რეკომენდაციები, აგრეთვე ჩაიტარონ ვაქცინაცია, რადგან თავიდან აირიდონ ქვეყნის განმეორებით ჩაკეტვა. 

“ჩვენი ქვეყანა დაკეტვას ვეღარ გაუძლებს. ადამიანები დაკარგავენ სამსახურს, შეიქმნება გაუსაძლისი მდგომარეობა. მინდა, წინასწარ ეს პრევენციული განცხადებები გავაკეთო. ამას რა თქმა უნდა შემდეგ დაემატება ის, რომ დამატებით ქვეყანას დასჭირდება ვალის აღება. ეს ტვირთად დააწვება ჩვენს მოქალაქეებს, ჩვენს ქვეყანას, ზოგადად ძალიან გართულდება სიტუაცია. გვაქვს ყველა რესურსი, საშუალება, რომ ვაქცინაცია მაქსიმალურად სწრაფად ჩავატაროთ და ჩვენ დაახლოებით 2-3 თვეში შეგვეძლება 1.5 მლნ მოქალაქის აცრა. ეს არის ჩვენი ამოცანა“,- აღნიშნა ირაკლი ღარიბაშვილმა.