ეკონომიკა
03/02/2021
იმედია, უშუალო მოლაპარაკებაზე გადავალთ - თურნავა საქართველო-ინდოეთს შორის თავისუფალი ვაჭრობის შეთანხმებაზე
ეკონომიკის მინისტრის ნათია თურნავას განცხადებით, საქართველოსა და ინდოეთს შორის თავისუფალი ვაჭრობის შეთანხმებაზე მოლაპარაკება დაიწყო.
„დამაიმედებელი პროგნოზია, რომ ინდოეთთან თავისუფალი ვაჭრობის შეთანხმების გაფორმება იგეგმება.
ინდოეთსა და საქართველოს შორის თავისუფალ ვაჭრობას ძალიან პოზიტიური ეფექტი ექნება, როგორც ერთი ქვეყნისთვის, ისე მეორე ქვეყნისთვის. შეთანხმების ტექსტი გავცვალეთ. იმედი გვაქვს, უახლოეს პერიოდში უშუალო მოლაპარაკებაზე გადავალთ. ინდოეთთან კარგი ეკონომიკური ურთიერთობა ძალიან მნიშვნელოვანია არა მხოლოდ ვაჭრობისთვის, არამედ ტურიზმისთვის“,- აღნიშნა ნათია თურნავამ.
მისი თქმით, ეკონომიკის სამინისტრომ ტუროპერატორებთან შეხვედრა გამართა, რომლებმაც დაასახელეს ქვეყნები, საიდანაც მაღალმხარჯველ ტურისტებს ელოდებიან. მათ შორის არის ინდოეთი.
